#osmonumentosfalan con ChatterPix

#osmonumentosfalan é un proxecto educativo, iniciado durante o primeiro trimestre do presente curso, polas alumnas de Historia da Arte de 2º de bacharelato do IES de Mugardos. Utilizando de forma gratuita a app "ChatterPix", disponible para sistema Ios. As alumnas escolleron unha obra artística representativa, vista no temario durante o primeiro trimestre, puxéronlle voz e comentaron a obra nun minuto aproximadamente.

Con esta aplicación pódese poñer voz a calquera personaxe, animal, obxecto inanimado...o que queiramos. A parte de pasar un rato divertido, serviunos para desenvolver a competencia lingüística e a competencia dixital, xa que tiveron que interactuar coa cámara da tablet, descargar archivos e grabar voz. Esta app, pode ser válida tamén para a aprendizaxe de idiomas ou a comprensión de calquera contido curricular. Tamén con esta actividade puxemos en práctica a creatividade e a autonomía.

Seguidamente pódense ver os traballos realizados polas alumnas de historia da arte, que tamén están colgados no meu canal de Youtube.

O Templo da Niké Áptera

documentación xeral

NOME: Niké Áptera (atenea Niké)

ARQUITECTO: Calícrates

CRONOLOXÍA: 429-449 a. C.

LOCALIZACIÓN: Acrópole de Atenas

ESTILO: Grego clásico

exterior

O templo mira a oriente, por onde sae o sol e ocupa un lugar estratéxico na disposición da Acrópole. Ao entrar no recinto pola Vía sacra, é o primeiro edificio que se observa.

Está sustentado en columnas xónicas de 4m de altura con basa, fuste máis esvelto e chapitel decorado con volutas. O entablamento está composto dunha arquitrabe, un friso (sen metopas e triglifos) e unha cornixa. Sobre o entablamento o frontón con acróteras e o tímpano. Todo coronado cunha cuberta a dúas augas.

planta e interior

É un templo xónico de planta rectangular, anfipróstilo (con pórtico de columnas na dúas fachadas) e tetrástilo (con catro columnas diante). A cella é un minúsculo cadrado.

Suprímese o pronaos (pórtico) planificado e déuselle carácter de in antis, constaba dunha fronte con pórtico e dúas columnas.

contido

O templo era básicamente un edificio de culto á deusa Victoria. No necesitaba un gran espacio xa que as ceremonias litúrxicas tiñan lugar ao aire libre. Foi feito para conmemorar o tratado de paz cos persas.